საგარეო საქმეთა სამინისტროს სპიკერის დავით კერესელიძის განცხადებით, უწყება ქობულეთში გარდაცვლილი მოზარდების ოჯახებს უსამძიმრებს.
"მინდა სამძიმარი გამოვუცხადო დაღუპული ბავშვების მშობლებს, ოჯახებს, რომელთა სიცოცხლეც ქობულეთში დატრიალებულ ტრაგედიას შეეწირა. ეს ძალიან სამწუხარო ფაქტია და ჩვენ ყველასთან ერთად ვუერთდებით იმ სამძიმარს, რომელიც მთელმა საქართველომ გამოუცხადა ამ პატარა ბავშვებს", - განაცხადა კერესელიძემ.
შეგახსენებთ, რომ ქობულეთში, სასტუმრო "არმაზში" გაჩენილმა ხანძარმა სამი არასრულწლოვანის სიცოცხლე იმსხვერპლა. მოზარდები ბათუმში, კონცერტის გასამართად რუსთავიდან ჩავიდნენ და ქობულეთში სასტუმრო "არმაზში" იყვნენ დაბინავებული.