"სახელმწიფო პოლიტიკა უპირველეს ყოვლისა, მიმართული უნდა იყოს ტრაგედიების თავიდან აცილებისაკენ. მხოლოდ პოსტ–ფაქტუმ განხორციელებული რეაგირება, რასაკვირველია, საკმარისი არ არის,"- ასე გამოეხმაურა სახალხო დამცველი ქობულეთში მომხდარ ტრაგედიას. "მნიშვნელოვანია, სახელმწიფომ სათანადოდ გაიაზროს პასუხისმგებლობა და მიიღოს მის ხელთ არსებული ყველა ზომა საგანგებო სიტუაციების პრევენციისათვის, მათ შორის სახანძრო უსაფრთხოების მოთხოვნების შესრულებაზე კონტროლის განხორციელების გზით" – განაცხადა უჩა ნანუაშვილმა. სახალხო დამცველი ღრმა მწუხარებას გამოთქვამს ქობულეთში სასტუმრო "არმაზში" მომხდარი ტრაგედიის გამო და გარდაცვლილი ბავშვების ოჯახებს თანაუგრძნობს.