ქობულეთის პოლიციაში დაკითხვის პროცედურები გვიან ღამემდე გაგრძელდა. სამართალდამავები ხანძრის მიზეზების შესახებ ინფორმაციის მიღებას ბავშვების მშობლებისგან, "სიხარული 2-ის" ხელმძღვანელისა და სასტუმროს მეპატრონეებისგან ცდილობდნენ. სასტუმრო "არმაზში" გაჩენილ ხანძარზე, რომელსაც სამი ბავშვის სიცოცხლე ემსხვერპლა, გამოძიება სისხლის სამართლის კოდექსის 187–ე მუხლით მიმდინარეობს, რაც სხვისი ნივთის ისეთ დაზიანება ან განადგურებას გულისხმობს, რამაც გაუფრთხილებლობით ორი ან მეტი ადამიანის სიცოცხლის მოსპობა გამოიწვია.