ქობულეთში ხანძრის შედეგად დაღუპული ბავშვების იდენტიფიცირება დნმ-ის ანალიზის დასრულების შემდეგ გახდება შესაძლებელი. ამის შესახებ რუსთავის მერმა განაცხადა. დავით ჯიქიას განმარტებით, შესაბამისი პროცედურების დასრულებამდე ცხედრები ვახტანგ გორგასლის სახელობის ტაძარში იქნება დასვენებული. დაღუპული ბავშვების ცხედრები რუსთავში გვიან ღამით გადაასვენეს. ტაძარში მთელი ღამის განმავლობაში იმყოფებოდნენ გარდაცვლილი ბავშვების ახლობლები. მობილიზებული იყო პოლიციისა და სასწრაფო დახმარების ბრიგადები. ბავშვების დაკრძალვისა და სხვა საჭირო თანხებს მთლიანად სახელმწიფო დაფარავს.