თავდაცვის სამინისტროს გენერალ-მაიორის ტრისტან წითელაშვილის თქმით, ფაშიზმზე გამარჯვების დღესთან დაკავშირებით შეკრებილ ვეტერანებს "თავისუფალი ზონის" წარმომადგენლები მკერდებიდან "უხეშად გლეჯდნენ" გეორგიევსკის ბაფთებს. ეს განცხადება გაჟღერდა "იმედის კვირის ეთერში". ასევე სამხედრო სპეციალისტმა აღნიშნა, რომ ასეთი ტიპის ქმედებამ შეიძლება დარტყმა მიაყენოს რუსეთში მცხოვრებ ქართველებს.
"რუსეთის რამოდენიმე ქალაქში 9 მაისთან დაკავშირებით ქართველები ქართული დროშებით გამოვიდნენ. რუსეთის ტერიტორიაზე მილიონზე მეტი ქართველი ცხოვრობს. ხომ შეიძლება, რომ ჩვენი ქმედებებიდან გამომდინარე ანალოგიური დარტყმის ქვეშ აღმოჩნდნენ რუსეთში მცხოვრები საქართველოს მოქალაქეები ", - განაცხადა წითელაშვილმა.