8 მაისს საქართველოს საგანგებო და სრულუფლებიანმა ელჩმა გერმანიაში ლადო ჭანტურიამ მონაწილეობა მიიღო მეორე მსოფლიო ომის დასრულების და ნაციონალ-სოციალიზმის დამარცხების 70 წლისთავთან დაკავშირებით გერმანიის ფედერალურ პარლამენტში გამართულ ღონისძიებაში. ბუნდესტაგის შენობაში გამართულ ღონისძიებას ესწრებოდნენ გერმანიის ფედერაციული რესპუბლიკის პრეზიდენტი იოახიმ გაუკი, გერმანიის კანცლერი ანგელა მერკელი, სხვადასხვა პოლიტიკური წრეებისა და დიპლომატიური კორპუსიის წარმომადგენლები. მოწვეულ სტუმრებს სიტყვით მიმართა გერმანიის ფედერალური პარლამენტის თავმჯდომარემ ნორბერტ ლამერტმა. მან 8 მაისს „გერმანიის განთავისუფლების დღე” უწოდა. ლიტვაში კი, საქართველოს საგანგებო და სრულუფლებიანმა ელჩმა ხათუნა სალუქვაძემ ქ. ვილნიუსის პანერაის მემორიალზე გვირგვინით შეამკო მეორე მსოფლიო ომში დაღუპულთა საფლავები.
