გორის რაიონის სოფელ კარალეთის სკოლიდან ათი მოსწავლე - ცხრა გოგონა და ერთი ბიჭი, საავადმყოფოში გადაიყვანეს. მოსწავლეები ერთი სკოლის ოთხ სხვადასხვა კლასში სწავლობენ.
ამ დროისთვის უცნობია ზუსტად რამ გამოიწვია მოსწავლეების მოწამვლა. სოფელში გეოლოგები და სამართალდამცველები მოწამვლის მიზეზების დასადგენად მუშაობენ. ექიმების ინფორმაციით, ბავშვს საავადმყოფოში გადაყვანისას აღენიშნებოდათ კანკალი, თავბრუსხვევა და შიშის შეგრძნება, რაც მედიკამენტებით ან აქროლადი ნივთიერებებით მოწამვლას ახასიათებს.
ბავშვების სისხლის ანალიზის პასუხი 2 საათში გახდება ცნობილი.
