საკრებულოს III მასივის მაჟორიტარმა დეპუტატმა ლევან დარახველიძემ, მუნიციპალიტეტის თავმჯდომარესთან ერთად ადგილზე სამაჟორიტარო ოლქში მიმდინარე ინფრასტრუქტურული პროექტები დაათვალიერა.
აეროდრომის დასახლება მე-14 ქუჩაზე, 146-ე საჯარო სკოლის მიმდებარე ტერიტორიაზე, წლების განმავლობაში მოუგვარებელი იყო ინფრასტრუქტურული პრობლემები, რაც მოსახლეობის უკმაყოფილებას იწვევდა. დღესდღეობით საკითხი მოგვარებულია და მიმდინარეობს გზის საფარის დაგება.
დეპუტატი ადგილზე ასევე გაეცნო შუამთის ქუჩა N 12-ში არსებულ პრობლემას, რომელიც კორპუსის ავარიულობას იწვევს. აღნიშნული საკითხის მოგვარება უახლოეს დღეებში დაიწყება. დაიგება ასფალტი, გაკეთდება ბორდიულები და სადარბაზოსთან მისასვლელი კიბეები.
