დღეს ცნობილ ქართველ კინორეჟისორს, რეზო ჩხეიძეს დიდუბის მწერალტა და საზოგადო მოღვაწეთა პანთეონში დაკრძალავენ. გუშინ საღამოს ლეგენდარული კინოხელოვანი სამების საკათედრო ტაძარში გადაასვენეს. დაკრძალვის ღონისძიების დროს საზოგადოებრივი წესრიგის, ტრანსპორტის შეუფერხებელი და უსაფრთხო მოძრაობის უზრუნველყოფის მიზნით სათანადო ღონისძიებები გატარდება:სამების საკათედრო ტაძრის ცენტრალურ შესასვლელ მოედანზე ავტომანქანების გაჩერება და დგომა შეიზღუდება; მესხიშვილის ქუჩიდან ავლაბრის მოედნამდე, ასევე, ბარათაშვილის ხიდის მიმართულებით შეიზღუდება ტრანსპორტის გაჩერება და დგომა ორივე მიმართულებით. სამების საკათედრო ტაძრიდან დიდუბის პანთეონამდე ავტომობილების ნაკადის გადაადგილებას დაარეგულირებს საპატრულო პოლიცია. ქუთაისის ქუცაზე დიდუბის პანთეონის ქვედა მხარეს შეიზღუდება ავტოტრანსპორტის მოძრაობაც. დღის განმავლობაში გარკვეული შეზღუდვები იმოქმედებს მარცხენა სანაპიროზეც.
