თბილისის მერიის გადაწყვეტილებით, ვიწრო ტროტუარებზე პარკირება შეიზღუდება. ამის შესახებ, დედაქალაქის მერმა დავით ნარმანიამ მთავრობის სხდომაზე განაცხადა.
„იქ, სადაც არის ძალიან ვიწრო ტროტუარი და სადაც მანქანის პარკირება და ქვეით მოსიარულეთა გადაადგილება ერთდროულად არის შეუძლებელი, ჩვენ ეტაპობრივად ვზღუდავთ ავტომანქანების პარკირებას. ჩვენ ვმუშაობთ აქტიურად მრავალსართულიანი პარკინგების მშენებლობასთან დაკავშირებით,“ - განაცხადა თბილისის მერმა დავით ნარმანიამ.
