დეკლარირებულ საწარმოთა 2013-2014 წლის რეიტინგში, რომელიც სტატისტიკის ეროვნულმა სამსახურმა გამოაქვეყნა, ~თბილისის სასწავლო უნივერსიტეტი~, დასაქმებულთა რაოდენობით, უმაღლეს სასწავლებლებს შორის, თბილისში მე-2, საქართველოს მასშტაბით კი, მესამე ადგილზეა.
ბრუნვის, მოგების, დასაქმებულთა საშუალო თვიური ანაზღაურებით კი, თბილისის მასშტაბით, სასწავლებელს პირველი ადგილი ერგო.
„ეს ჩვენთვის ძალიან დიდი სტიმულია“, - აცხადებს „თბილისის სასწავლო უნივერსიტეტის“ დამფუძნებელი დავით ჯანგულაშვილი.
ამასთან, აღსანიშნავია, რომ ~შავი ზღვის საერთაშორისო უნივერსიტეტის“ მიერ გამართულ სასკოლო ოლიმპიადაში „თბილისის სასწავლო უნივერსიტეტთან“ არსებული მრავალპროფილური კერძო სკოლა „პოლუსის“ მოსწავლემ, აბიტურიენტმა გიორგი ჯანიაშვილმა გაიმარჯვა და 100-პროცენტიანი სასწავლო გრანტის მფლობელი გახდა, რაც იმას ნიშნავს, რომ „შავი ზღვის საერთაშორისო უნივერსიტეტის“ საბაკალავრო პროგრამაზე უფასოდ ისწავლის.
ცნობისთვის: სასკოლო ოლიმპიადაში, საქართველოს მასშტაბით, 800-ზე მეტი აბიტურიენტი მონაწილეობდა. ოლიმპიადა ერთდროულად საქართველოს 6 ქალაქში _ თბილისში, ქუთაისში, რუსთავში, ზუგდიდში, ბათუმსა და მარნეულში მიმდინარეობდა. მასში მონაწილე აბიტურიენტებს შესაძლებლობა ჰქონდათ, მოეპოვათ უნივერსიტეტის ნებისმიერი პროგრამის 4-წლიანი სასწავლო გრანტი.