თბილისში, გორგასლის ქუჩის მცხოვრებლები დახმარებას ითხოვენ. ადგილობრივების განმარტებით, გზის სავალი ნაწილი ყოველდღიურად იშლება, რის გამოც ქუჩაში ბავშვების გაშვებას სახიფათოა.
მოსახლეობის ინფორმაციით, მათ დახმარების თხოვნით ჯერ კიდევ ერთი წლის წინ მიმართეს პარლამენტსა და თბილისის მერიას, თუმცა უშედეგოდ.
გორგასლის ქუჩაზე ,,ნაციონალური მოძრაობის” წარმომადგენლები იმყოფებოდნენ.
მათი განცხადებით, დედაქალაქის მერია მოსახლეობის პრობლემით არ ინტერესდება და საჭირო ზომებს არ ატარებს.
"თბილისის მერიაში ამ გზის პროექტი არსებობს, მათ მხოლოდ ის დარჩენიათ, რომ ეს პროექტი აამუშაონ და მოხსნან ეს პრობლემა,"- აცხადებს თბილისის საკრებულოს ფრაქცია ,,ნაციონალების” წევრი ირაკლი აბესაძე.
