საქართველოში მაისის პირველ რიცხვებამდე არამდგრადი ამინდი შენარჩუნდება. როგორც ,,ჯი-ეიჩ-ენთან” საუბარში გარემოს დაცვის სამინისტროს სინოპტიკოსმა დოდო გვაზავამ განაცხადა, დღეს და ხვალ საქართველოს მთელს ტერიტორიაზე წვიმა შენარჩუნდება, თუმცა ტემპერატურის მნიშვნელოვანი დაკლება მოსალოდნელი არაა.
,,დღეს და ხვალ, საქართველოში დღის მეორე ნახევარში მოსალოდნელია ხანმოკლე წვიმა ელჭექით. ჰაერის ტემპერატურის მნიშვნელოვნად დაკლებას არ ველოდებით. 29 აპრილს პირიქით მოიმატებს ტემპერატურა და დასავლეთ საქართველოში ჰაერი 30 გრადუსამდე გათბება”, _განაცხადა დოდო გვაზავამ.
მისივე განმარტებით, 30 აპრილიდან ამინდი კვლავ გაუარესდება, მოსალოდნელია წვიმა და გაძლიერება დასავლეთის მიმართულების ქარი.