ნეპალში მომხარი მიწისძვრის შედეგად იქ მყოფ საქართველოს მოქალაქეებს საფრთხე არ ემუქრებათ. როგორც საგარეო უწყების პრესსპიკერმა დავით კერესელიძემ ტრადიციულ ბრიფინგზე განაცხადა საქართველოს ყველა მოქალაქე, რომელიც ნეპალში იმყოფება ჯანმრთელია და თავს უსაფრთხოდ გრძნობს.
"ჯერჯერობით არ გვაქვს ინფორმაცია, რომ საქართველოს მოქალაქეებს საფრთხე ემუქრებათ, მათ სჭირდებათ დახმარება, შველა, რომ გავარიდოთ სტიქიურ ზონას, ჩვენ კავშირი გვაქვს ზოგიერთ მათგანთან,"-განაცხადა დავით კერესელიძემ.
შეგახსენებთ, რომ ნეპალში საქართველოდან ჩასული 7 ტურისტიდან ერთი გერმანიის მოქალაქეა. ისინი სამშობლოში დაბრუნებას 30 აპრილს გეგმავენ.
