უკრაინის საბრძოლო მოქმედებების დროს დაღუპული ქართველი მებრძოლი გიორგი ჯანელიძე მუხათგვერდის ძმათა სასაფლაოზე დაკრძალეს.
მანამდე კი ქაშუეთის ეკლესიაში სამოქალაქო პანაშვიდი გაიმართა.
გიორგი ჯანელიძის ოჯახს პირადად მიუსამძიმრა საქართველოში უკრაინის ელჩმა მიხეილ უკლებამ, რომელიც ქაშუეთის ეკლესიაში იმყოფებოდა.
ელჩის განმარტებით, ჯანელიძე მამაცი ადამიანი იყო, რომელსაც მიაჩნდა, რომ უკრაინაში ბრძოლით არა მხოლოდ უკრაინის, არამედ საქართველოს თავისუფლებისთვის იბრძოდა.
გიორგი ჯანელიძის ოჯახს ასევე მიუსამძიმრეს ,,ნაციონალური მოძრაობისა” და ,,თავისუფალი დემოკრატების” წევრებმა.
ქართველი მოხალისე უკრაინაში სეპარატისტებთან შეტაკებების დროს, 18 აპრილს დაიღუპა.
