გუმბათის კონსტრუქციაში ბეტონის ბოლო ჩასხმით მახათას მთაზე მშენებარე ივერიის ღვთისმშობლის ხატის სახელობის ტაძრის აგება დასრულდა,-მიმდინარე სამუშაოები პრემიერ-მინისტრმა დაათვალიერა. ირაკლი ღარიბაშვილმა მახათას მთაზე შვილებთან ერთად მივიდა. მთავრობის მეთაური ტაძრის კარიბჭის მშენებლობას გაეცნო და მიმდებარე ტერიტორიაზე გასაშენებელ ზეთისხილის ბაღში შვილებთან-ნიკოლოზთან და ანდრიასთან ერთად, ზეთისხილის ხე დარგო.
«ეს არის საოცარი დღე, დიდებული საქმე გაკეთდა, რადგან ამ ტაძარს პატრიარქის ლოცვა-კურთხევით და მისი ინციატივით აშენებს მთელი ერი. მჯერა, რომ ეს ტაძარი გახდება სიმბოლო ჩვენი ერის გამთლიანებისა და გაერთიანების. მინდა, მადლობა გადავუხადო ჩვენს პატრიარქს, რომლის ღვაწლიც დიდია ამ საქმეში, ბატონ პაატა ბურჭულაძეს და თითოეულ ადამიანს, ვინც წვლილი შეიტანა ტაძრის მშენებლობაში”, -განაცხადა ირაკლი ღარიბაშვილმა ჟურნალისტებთან საუბრისას.
ივერიის ღვთისმშობლის ხატის სახელობის ტაძრის საძირკველი 2011 წელს იკურთხა. 2012 წელს საძირკველი გაიჭრა და მშენებლობა დაიწყო. 2015 წლის 26 აპრილს კი ტაძრის აგება და გუმბათის მშენებლობა დასრულდა.
