საქართველოში 2015 წლის 15 აპრილის მონაცემებით ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკულ ცენტრში რეგისტრირებულია: აივ-ით ინფიცირების 4886 შემთხვევა, რომელთაგან 3595 - მამაკაცია, ხოლო 1291 - ქალი.
ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკულ ცენტრის ინფორმაციით, პაციენტთა უმრავლესობა 29-დან 40 წლამდეა.
შიდსი განუვითარდა 2935 პაციენტს,ხოლო 1006 გარდაიცვალა.
2015 წელს გამოვლინდა 191 ახალი შემთხვევა. არვ მკურნალობაზეა 2652 (მათ შორის აფხაზეთში - 321) პაციენტი.
შეგახსენებთ, რომ საქართველოში აივ ინფექცია/შიდსის პირველი შემთხვევა გამოვლინდა 1989 წელს. ამასთან აივ-ით ინფიცირების ყველაზე მეტი ფაქტი 2014 წელს დაფიქსირა_ 566.
