საჯარო რეესტრში განხორციელებულ რეფორმებს საუდის არაბეთის სამთავრობო დელეგაცია გაეცნო.
დელეგაციის წევრები, უძრავი ქონების რეგისტრაციის სფეროში საქართველოს, როგორც ტოპ-რეფორმატორი ქვეყნის გამოცდილებით დაინტერესდნენ.
სააგენტოს საერთაშორისო ორგანიზაციებთან ურთიერთობის სამსახურის უფროსმა ეკა მესხიძემ სამთავრობო დელეგაციის წევრებს ქონების რეგისტრაციის ქართული მოდელის, გამარტივებული სარეგისტრაციო პროცედურებისა და ელექტრონულ სერვისების შესახებ პრეზენტაცია წარუდგინა.
ვიზიტის ფარგლებში, საუდის არაბეთის დელეგაციის წევრებმა თბილისის იუსტიციის სახლი დაათვალიერეს და მის კონცეფციას გაეცნენ.
