საქართველო წელს პირველად მონაწილეობს ქ. კაიროში, სალაჰ ალ–დინის ციტადელში გამართულ ფოლკლორის მესამე საერთაშორისო ფესტივალ „The International Festival for Drums and Traditional Arts“-ში. საქართველოს ფესტივალზე, საქართველოს ტექნიკური უნივერსიტეტის ქორეოგრაფიული ანსამბლი "მერანი" წარმოადგენს. დასარტყამი ინსტრუმენტებისა და ტრადიციული ხელოვნების საერთაშორისო ფესტივალი ეგვიპტეში 19-25 აპრილს ტარდება.
საქართველოს წარმომადგენელი ანსამბლი „მერანის“ გამოსვლამ საზოგადოების დიდი მოწონება დაიმსახურა.
ეგვიპტეში ანსამბლის გამგზავრება, ეგვიპტეში საქართველოს საელჩოს, ეგვიპტის კულტურის სამინისტროს, ავიაკომპანია Air Cairo-სა და ქართულ ტურ–ოპერატორ Interco-ს დახმარებით გახდა შესაძლებელი.
მესამე საერთაშორისო ფესტივალის გახსნას ეგვიპტის კულტურისა და სიძველეთა მინისტრები, ასევე კაიროში აკრედიტებული დიპლომატიური წარმომადგენლების ხელმძღვანელები დაესწრნენ.
ფოლკლორის ფესტივალი ხელოვნების საშულებით მშვიდობის მხარდაჭერასა და მსოფლიოს სხვადასხვა კულტურების გაცნობას ისახავს მიზნად და მასში მსოფლიოს 22 ქვეყანა მონაწილეობს.
ფესტივალის ფარგლებში დაგეგმილია ყოველდღიური კონცერტები კაიროს ისტორიულ უბნებში
