ადვოკატთა ასოციაციის თავმჯდომარე კოლეგებს მიმართავს და ხვალ ყველას აქციაზე იწვევს.
პატივცემულო ადვოკატებო მოგიწოდებთ, ხვალ 22 აპრილს, 12:00 საათზე, თბილისში, საქართველოს პარლამენტის წინ დავდგეთ ერთად და გავაპროტესტოთ ადვოკატების მიმართ განხორციელებული ძალდობა. ასევე უნდა მოვითხოვოთ პარალმენტის თავმჯდომარისგან შეიქმნას პარლამენტში საგამოძიებო კომისია, რომელიც შეისწავლის ადვოკატების მიმართ განხორციელებული დევნის საქმეებს.
პატივცემულო ადვოკატებო, 2015 წლის 18 აპრილს შევიკრიბეთ მრავალრცხოვანი არმია, დარბაზმა ყველა მსურველი ადვოკატი ვერ დაიტია, ძალიან მესიამოვნა, რომ ამდენი ადვოკატი გამოეხმაურა ჩემს მოწოდებას დავმდგარიყავით ერთად და არ მიგვეცა ხელისუფლებისთვის საადვოკატო საქმიანობაში უპირობო ჩარევის უფლება. დღევანდელ ხელისუფლებას 2 წელი ვაფრთხილებდით, რომ გაეტარებინა სამართლებრივი რეფორმები, მაგრამ ხელისულფლება დაადგა წინამორბედი ხელისუფლების გზას, განიზრახა სამოქალაქო საზოგადოების განდგურება და ქვეყნის ფეოდალიზმში დაბრუნება რაც ადვოკატებმა არ უნდა დაუშვათ. ადვოკატები არ ვართ პოლიტიკოსები, ჩვენ ვითხოვთ სამართლიან გარემოს, სამართლიან სასამართლოს კანონის უზენაესობას, ჩვენი მოქალაქეებისთვის.
2015 წლის 18 აპრილს ადვოკატების შეკრებაზე არ მობრძანდნენ სამოქალაქო სამართლის ადვოკატები, ძირითადად ვიყავით სისხლის სამართლის ადვოკატები. არადა საკანონმდებლო ინიციატივა პირდაპირ ურტყავს სამოქალაქო სამართლის სფეროში მოღვაწე ადვოკატებს. დროა გამოფხიზლდეთ კოლეგებო. საქართველოს მთავრობას გათვითცნობიერებული ჰქონდა, რომ ზღუდავდა ადვოკატის უფლებებს, მაგრამ ჩუმად უნდოდა ,,გაეპრავებინა“ ადვოკატების უპრეცედენტო შეზღუდვა საკანონმდებლო დონეზე. ხვალ, მე ზაზა ხატიაშვილი ადვოკატთა ასოციაციის თავმჯდომარე ორწლიანი შესვენების შემდეგ პარლამენტის წინ ბორკილებით დავდგები. ხელისუფლებამ განიზრახა დაგვადოს ბორკილები, რაც ადვოკატთა კორპუსმა არ უნდა დავუშვათ“.