საქართველოში მყინვარწვერზე ავსტრიელი ტურისტები დაიღუპნენ. მთამსვლელ ქალსა და მამაკაცს მაშველები დღეს დილიდან ეძებდნენ.
უცხოელი ტურისტები მწვერვალზე რამდენიმე დღის განმავლობაში იყვნენ დაბანაკებულები, თუმცა ორმა მათგანმა ბანაკი გუშინ დატოვეს, რის შემდეგ მათთან კავშირი გაწყდა. ამის შემდეგ ბანაკში დარჩენილი ალპინისტები საგანგებო სიტუაციების მართვის სააგენტოს დაუკავშირდნენ.
მთამსვლელებს სავარაუდოდ გზა აერიათ და სიკვდილის მიზეზი გაყინვა გახდა.
ცხედრები სტეფანწმინდის პროზექტურაშია გადასვენებული.