ხვალ, 17 აპრილს მსახიობ კოტე თოლორდავას საქართველოში ჩამოასვენებენ, ხოლო 19 აპრილს საბურთალოს სასაფლაოზე დაკრძალავენ.
კოტე თოლორდავას სიმამრის კახა მელითაურის ინფორმაციით ხვალ მოსკოვი-თბილისის რეისს ავიაკომპანია "აირზენა" შეასრულებს. როგორც დაღუპული მსახიობის ოჯახის წევრები აცხადებენ, გადმოსვენებისა და დაკრძალვის ხარჯებს ქალაქ თბილისის მერია დაფარავს.
შეგახსენებთ, რომ კოტე თოლორდავა რუსეთში გადაღებებზე იმყოფებოდა და ის 11 აპრილს სასტუმროს ნომერში გარდაცვლილი იპოვეს.
