16–20 აპრილს სახალხო დამცველი უჩა ნანუაშვილი გურიისა და აჭარის რეგიონში მოსახლეობასთან შეხვედრებს გამართავს.
თავდაპირველად ომბუდსმენი ლანჩხუთისა და ოზურგეთის მოსახლეობასა და თვითმართველობის წარმომადგენლებს შეხვდება, რის შემდეგაც უჩა ნანუაშვილი ვიზიტს აჭარის მაღალმთიან რაიონებში განაგრძობს.
აჭარის რეგიონში შეხვედრები იგეგმება ღორჯუმის, ღურტას, ხულოსა და კირნათის მოსახლეობასთან.
სახალხო დამცველი ასევე გეგმავს ბათუმში არასამთავრობო სექტორისთვის 2014 წლის ადამიანის უფლებათა და თავისუფლებათა შესახებ მომზადებული საპარლამენტო ანგარიშის პრეზენტაციას.
ვიზიტის დეტალებს სახალხო დამცველი 20 აპრილს სპეციალურ ბრიფინგზე შეაჯამებს.
