საქართველოსრეგიონული განვითარებისა და ინფრასტრუქტურის სამინისტროს მუნიციპალურიგანვითარებისფონდი მსოფლიო ბანკის დაფინანსებით ქალაქგურჯაანსა დადედოფლისწყაროს მუნიციპალიტეტის სოფელ მირზაანში ოთხი ქუჩის რეაბილიტაციას ახორციელებს. გურჯაანის მუნიციპალიტეტში-ბესიკის, ბარათაშვილის და ჭავჭავაძისქუჩების რეაბილიტაცია მიმდინარეობს, ამავდროულადსოფელმირზაანში შიდა ქუჩის სარეაბილიტაციო სამუშაოები სრულდება. პროექტის ღირებულება 1 493 156.73 ლარია. სამშენებლო სამუშაოებზე 30-მდე ადამიანია დასაქმებული. პროექტის მიმდინარეობა დღეს საქართველოს მუნიციპალური განვითარების ფონდის აღმასრულებელმა დირექტორმა ილია დარჩიაშვილმა გურჯაანის მუნიციპალიტეტის გემგებელ გია გერგიძესთან ერთად დაათვალიერა.
რეაბილიტაციის დაწყებამდე აღნიშნულ ქუჩებზე ასფალტ-ბეტონის საფარი პრაქტიკულად აღარ არსებობდა, რის გამოც მოსახლეობას გადაადგილება უჭირდა. პროექტის ფარგლებში ჯამში 3,1 კმ გზის მოასფალტება მოხდება და მოსახლეობისთვის გადაადგილება უსაფრთხო და კომფორტული გახდება.
ქალაქ გურჯაანში არსებული ბესიკის ქუჩის სიგრძე 855 მ-ია, სადაც ასფალტ-ბეტონის საფარი უკვე დაიგო, ასევე მოხდა 2212 გრძივი კანალიზაციის ქსელის გამოცვლა, გარდა ამისა მოეწყობა 1641მ² ტროტუარი. ბარათაშვილის ქუჩის სიგრძე - 453 მეტრია. ქუჩაზე მოეწყობა ასფალტობეტონის საფარი და 884 მ² ტროტუარი. ჭავჭავაძის ქუჩის სიგრძე - 840 მეტრია, აღნიშნულ ქუჩაზე სრულდება ასფალტ-ბეტონის საფარის დაგება, ასევე გაკეთდება მიერთებები და მოეწყობა 400 მ² ტროტუარი.
გურჯაანის მუნიციპალიტეტში არსებული შიდა ქუჩებისგარდა, პროექტის ფარგლებში სოფელ მირზაანის შიდა ქუჩის ასფალტის საფარიანი საავტომობილო გზის რეაბილიტაცია ხორციელდება, რომლის სიგრძე 912 მეტრია.
