საქართველოში 19აპრილამდე უნალექო ამინდი შენარჩუნდება, თუმცა როგორც ,,ჯი-ეიჩ-ენთან” საუბარში გარემოს დაცვის სამინისტროს სინოპტიკოსმა სვეტა ნიორაძემ განაცხადა ხვალ, დასავლეთ საქართველოში და აღმოსავლეთ საქართველოს ზოგიერთ რაიონში კვლავ წვიმა შენარჩუნდება.
,, ხვალ დასავლეთს საქართველოში და აღმოსავლეთ საქართველოს ზოგიერთ რაიონში წვიმაა მოსალოდნელი. გაძლიერდება დასავლეთის მიმართულების ქარი. ხოლო 16, 17, 18 აპრილს გამოიდარებს და უანლექო ამინდი შენარჩუნდება და მოიმატებს ჰაერის ტემპერატურაც”, _განაცხადა სვეტა ნიორაძემ.
ნიორაძის განცხადებით ხვალ, დასავლეთს საქართველოში ჰაერი 10-15 გრადუსამდე, ზეგ კი 12-17 გრადუსამდე გათბება, რაც შეეხება აღმოსავლეთ საქართველოს ხვალ, ჰაერი აქ 13-18 გრადუსამდე მოიმატებს, 16 აპრილს კი დღის ტემპერატურა 15-20 გრადუსამდე შენარჩუნდება.
მისვე განცხადებით, 19 აპრილიდან კვლავ წვიმაა მოსალოდნელი.