საუდის არაბეთმა შვედეთის ზოოპარკიდან 4 მაიმუნის გადმოცემის პროცედურა დაბლოკა. აღნიშნულს წინ დიპლომატიური სკანდალი უძღოდა.
ზოოპარკ „სკანსენის“ დირექტორის იონას ვალსტრომის განმარტებით, მას დაურეკეს კოლეგებმა ელ-რიადადან და შეატყობინეს, რომ საუდის არაბეთის მთავრობამ შვედეთიდან ჯუჯა მაიმუნების შეყვანა აკრძალა. ჯუჯა მაიმუნის სიმაღლე სულ რაღაც 12 სანტიმეტრია და ის მსოფლიოში ყველაზე პატარა მაიმუნად ითვლება.
აღსანიშნავია, რომ „სკანსენის“ ზოოპარკი, სადაც ჯუჯა მაიმუნების გამრავლება ხდება წელიწადში ასეთ 10 მაიმუნს ასხვისებს.
„ელ-რიადში განაცხადეს, რომ საუდის არაბეთი პოლიტიკური კრიზისის გამო მაიმუნების მიღებაზე უარს აცხადებს“, აღნიშნა სტოკჰოლმის ზოოპარკის დირექტორმა.
შეგახსენებთ, რომ ორ ქვეყანას შორის გაჩაღებული დიპლომატიური სკანდალის შედეგად საუდის არაბეთმა შვედეთიდან თავისი ელჩი გაიწვია.
შვედეთის საგარეო საქმეთა სამინისტროს პრეს-მდივნის ერიკ ბომანის განცხადებით, ერ-რიადი იმან განარისხა, რომ შვედეთის მხარემ ადამიანის უფლებათა დაცვის მხრივ საუდის არაბეთი გააკრიტიკა.
ამ ყველაფრის პასუხად კი საუდის არაბეთმა შვედეთთან თავდაცვის სფეროში გაფორმებული თანამშრომლობის შეთანხმებაც გააწყვიტა.
