თავდაცვის მინისტრი მინდია ჯანელიძე მუხათგვერდის ძმათა სასაფლაოზე იმყოფებოდა, სადაც მან გმირების საფლავები ყვავილებით შეამკო.
"ჩვენ მოვედით აქ სამინისტროს როგორც სამოქალაქო, ისე სამხედრო ხელმძღვანელობა, რათა პატივი მიგვეგო ჩვენი დაღუპული გმირებისთვის. მე, როგორც თავდაცვის მინისტრი, ვეტყვი მათ ოჯახებს, რომ ყოველთვის ვიქნები მათ გვერდით და ყოველთვის, რითიც შეგვიძლია დავეხმარებით, იქნება ეს მათი შვილების სწავლა-განათლება თუ სხვ. მიგვაჩნია, რომ ეს ჩვენი ვალია, რადგან მათ თავი დადეს საკუთარი სამშობლოს გულისთვის. ეს არა მარტო თავდაცვის სამინისტროს, არამედ თითოეული ჩვენგანის, ყველა მოქალაქის ვალია, სოლიდარული იყოს ამ გმირი ბიჭების ოჯახების მიმართ", - განაცხადა მინდია ჯანელიძემ.
