სამების საკათედრო ტაძარში გარდამოხსნა, რომელზეც ჯვარცმიდან გარდამოხსნილი უფალია გამოსახული, სპეციალურ სადგამზე დააბრძანეს.
გარდამოხსნისას წმინდა სახარებიდან წაიკითხეს იმ ადგილები, სადაც უფლის ჯვარცმის შესახებ არის საუბარი.
ასევე შესრულდა ღვთისმშობლის დატირება, რომელიც დავით გურამიშვილის ლექსზეა დაწერილი.
გარდამოხსნა ტაძრის შუაგულში არასრული 3 დღის განმავლობაში რჩება, რაც იმის სიმბოლოა, რომ მაცხოვარი აღდგომამდე სწორედ 3 დღე იყო საფლავში.
სამების საკატედრო ტაძრში გარდამოხსნის რიტუალი სრულიად საქართველოს კათალიკოს-პატრიარქმა, მცხეთა-თბილისის მთვარეპისკოპოსმა ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ სასულიერო პირებთან ერთად შეასრულა.