თბილისის მუნიციპალიტეტის საკრებულოს დიდუბის მაჟორიტარმა დეპუტატმა ლადო ძნელძემ მოსახლეობას მოახლოებული აღდგომის ბრწყინვალე დღესასწაული მიულოცა და თვითმმართველობის სახელით მათ საჩუქრები გადასცა.
დეპუტატმა რაიონში რეგისტრირებულ სოციალურად დაუცველ 60 -მდე ოჯახს სააღდგომო ნობათი : კვერცხი, პასკა და სხვა საკვები პროდუქტი გადასცა.
ლადო ძნელაძე ამავე რაიონში მცხოვრებ პენსიონერ პედაგოგს ვიქტორია კუზიკოვას პირადად ეწვია და მისი ინვალიდი შვილისთვის ინვალიდის სტატუსის მოსაპოვებლად შესაბამის სამსახურთან შუამდგომლობას დაჰპირდა.
დღესვე დეპუტატი დიდუბის რაიონში წერეთელის გამზირზე მდებარე პოლიკლინიკაშიც მივიდა, ექიმ-პედიატრებს აღდომის დღესასწაული მიულოცა და სააღდგომო კალათები გადასცა.
,,ჩვენ მაქსიმალურად ვცდილობთ ყველა იმ მოქალაქეს, რომელიც დახმარებას საჭიროებს, ყურადღება არ მოვაკლოთ. გამონაკლისი არც დღევანდელი დღეა, ეს არის ერთგვარი ჟესტი, რომლითაც მათ მიმართ ჩვენი დამოკიდებულების გამოხატვას ვცდილობთ “,-განაცხადა ლადო ძნელაძემ.