7 აპრილს ხარების დღესასწაულზე მორწმუნეებს ხიზილალასა და ზღვის ნაწარმის მირთმევა შეეძლებათ. ამის შესახებ, სრულიად საქართველოს კათოლიკოს-პატრიარქმა უწმინდესმა და უნეტარესმა ილია მეორემ ქადაგებისას ბრძანა.
ამასთან უწმინდესის განმარტებით, ხარების დღესასწაულზე საზეიმო ლიტურგია სამების საკათედრო ტაძარში მდებარე ხარების ტაძარში ჩატარდება.
,,კალენდარში წერია, რომ ხსნილია თევზით, საქართველო ყოვლადწმინდა ღვთისმშობლის წილი ქვეყანაა. ასევე ტაძრის დღესასწაულია, ამიტომ ჩვენ გადავწყვიტეთ, რომ გავახსნილოთ ხიზილალით და ზღვის ნაწარმით. თქვენ შეგიძლიათ მიირთვათ ხიზილალა და ზღვის ნაწარმი. გილოცავთ და ღმერთმა ინებოს, რომ ყოველმა მწუხარე ადამიანმა გაიხაროს, ყოველი ავადმყოფი ადამიანი ძლიერი გახდეს", - განაცხადა უწმინდესმა.