შენობა, რომელშიც სათნოების სახლი "კათარზისი" მდებარეობს, არ გასხვისდება. Aმის შესახებ პრემიერ-მინისტრის პრეს-სამსახური იტყობინება. "კათარზისის" ხელმძღვანელობის განცხადების საპასუხოდ პრემიერის პრეს-სამსახური ინფორმაციას ავრცელებს, რომელშიც განმარტავს, რომ შენობის საკუთრებასთან დაკავშირებული საკითხის გარკვევა მთავრობის მეთაურმა ირაკლი ღარიბაშვილმა შესაბამის სტრუქტურებს დაავალა. "აღნიშნული შენობა არის მუნიციპალიტეტის საკუთრება. ის არ არის გასასხვისებელი ობიექტების ნუსხაში და შესაბამისად, მისი გაყიდვის საკითხი დღის წესრიგში არ დგას", - აცხადებენ პრემიერის პრეს-სამსახურში.
