თუ თქვენს ბინას ან მიწის ნაკვეთს არ აქვს ზუსტებული მისამართი, ნომერი, ან უკვე არსებული ნომერი დუბლირებულია, მისამართის დასაზუსტებლად ან ცვლილებისათვის მოქალაქემ უნდა მიმართოს საჯარო რეესტრის ეროვნული სააგენტოს ტერიტორიულ სამსახურს ან იუსტიციის სახლს.
სარეგისტრაციოდ წარსადგენი დოკუმენტები:
1) განცხადება (აღნიშნული ივსება შესაბამის ელექტრონულ პროგრამაში უშუალოდ დოკუმენტების მიმღები ოპერატორის მიერ)
2) დაინტერესებული პირის პირადობის დამადასტურებელი დოკუმენტის ასლი
3) ამონაწერი საჯარო რეესტრიდან
შენობა–ნაგებობისა და მიწის ნაკვეთისათვის ნომრის მინიჭება/ნომრის ცვლილება ხორციელდება 30 კალენდარული დღის ვადაში მომსახურების საფასურის გადახდის გარეშე.
ვადის ათვლა იწყება განცხადების შეტანის დღეს და მთავრდება ვადის ბოლო დღის გასვლასთან ერთად. თუ ვადის ბოლო დღე ემთხვევა უქმე ან დასვენების დღეებს, ვადის ბოლო დღეს წარმოადგენს მომდევნო სამუშაო დღე.
დამატებითი ინფორმაცია
- იმ შემთხვევაში, თუ არ არის დაზუსტებული მიწის ნაკვეთის ადგილმდებარეობა, ნომრის მინიჭების/ნომრის ცვლილებისათვის აუცილებელია საკადასტრო აზომვითი ნახაზის საფუძველზე განხორციელდეს მიწის ნაკვეთის ადგილმდებარეობის დაზუსტება და მხოლოდ ამის შემდეგ მოხდება შენობა-ნაგებობისთვის ნომრის მინიჭება ან არსებული ნომრის ცვლილება.
- თუ დაინტერესებულ პირს სარეგისტრაციო წარმოებაში მონაწილეობის მიღება სურს არა პირადად, არამედ წარმომადგენლის მეშვეობით, ასეთ შემთხვევაში დამატებით უნდა იქნეს წარმოდგენილი ნოტარიუსის მიერ დამოწმებული წარმომადგენლობის დამადასტურებელი დოკუმენტი და წარმომადგენლის პირადობის დამადასტურებელი დოკუმენტის ასლი.
- ზემოჩამოთვლილი დოკუმენტების გარდა, საჯარო რეესტრის ეროვნული სააგენტოს მხრიდან კონკრეტულ შემთხვევაში შესაძლებელია დამატებით მოთხოვნილ იქნეს ნებისმიერი დოკუმენტი/ინფორმაცია, რაც აუცილებელია განცხადებით მოთხოვნილ საკითხზე გადაწყვეტილების მისაღებად.
