ცხოველთა უფლებების დამცველები და ვეტერინარები ერთობლივ განცხადებას ავრცელებენ. 20-მდე არასამთავრობო ორგანიზაცია თბილისის საკრებულოს მოუწოდებს, გააუქმოს დადგენილება, რომლის მიხედვითაც ცხოველების მოვლა-პატრონობაზე ახალი რეგულაციები შემოდის. მათივე ინფორამციით, ახალი წესების თანახმად, უპატრონო ცხოველების მასობრივი ევთანაზია მოხდება, რაც ცხოველთა უფლებების დარღვევაა. ისინი დადგენილების შემუშავების პროცესში ჩართვას ითხოვენ, წინააღმდეგ შემთხვევაში კი მასობრივი საპროტესტო აქციებით იმუქრებიან.
