ოფიციალური თბილისი საფრანგეთში მომხდარი ავიაკატასტროფის გამო მწუხარებას გამოთქვამს. სამძიმრის წერილი საქართველოს საგარეო საქმეთა სამინისტრომ გაავრცელა. უწყება უსამძიმრებს გერმანიის, ესპანეთისა და ყველა იმ სახელმწიფოების მთავრობებსა და ხალხს, რომელთა მოქალაქეებიც თვითმფრინავის ბორტზე იმყოფებოდნენ. GermanWings-ის კუთვნილმა ავიალაინერმა კატასტროფა გუშინ საფრანგეთის ალპებში განიცადა, რასაც 150 ადამიანი ემსხვერპლა.