საქართველოს მართლმადიდებლური ეკლესია ავტოკეფალიის აღდგენის დღეს აღნიშნავს. ამასთან დაკავშირებით სრულიად საქართველოს კათოლიკოს-პატრიარქი ილია მეორე სიონის ღვთისმშობლის მიძინების სახელობის ტაძარში პარაკლისს გადაიხდის. ქართულმა ეკლესიამ ავტოკეფალია ანტიოქიის ეკლესიისგან 457 წელს მიიღო, რუსეთის იმპერიამ კი ის 1811 წელს გააუქმა. ქართულმა ეკლესიამ ავტოკეფალია 1917 წლის 25 მარტს აღიდგინა. მისი დამოუკიდებლობა ყველა მართლმადიდებელმა ეკლესიამ ცნო, თუმცა ეს წერილობით დადასტურებული არ ყოფილა.
