24 მარტს, 12:00 საათზე, წეროვანის დევნილთა დასახლების სკოლაში ევროკავშირის მობილური საინფორმაციო ცენტრის გახსნითი ღონისძიება გაიმართება. (მისამართი: მცხეთის რაიონი, სოფელი წეროვანი, დევნილთა დასახლება, #3 საჯარო სკოლა.)
ღონისძიებას დაესწრებიან: ევროკავშირის ელჩი საქართველოში - იანოშ ჰერმანი; საქართველოს განათლებისა და მეცნიერების მინისტრი - თამარ სანიკიძე.
აღსანიშნავია, რომ ევროკავშირის მობილური საინფორმაციო ცენტრი დაინტერესებულ პირებს, მათ შორის მოსწავლეებს, სტუდენტებს, სოფლად მცხოვრებლებს, ექსპერტებს და ბიზნესმენებს სთავაზობს ინფორმაციის ხელმისაწვდომობას ევროკავშირსა და საქართველოს შორის ურთიერთობის შესახებ. მიმდინარე წელს ევროკავშირის მობილური საინფორმაციო ცენტრის ავტობუსი იმოგზაურებს საქართველოს ყველა რეგიონში და ესტუმრება 140 სკოლას.
