თბილისის მუნიცპალიტეტის საკრებულოს თავმჯდომარემ გიორგი ალიბეგაშვილმა ქართველ ჟურნალისტებს პროფესიული დღე მიულოცა.
საკრებულოს თავმჯდომარემ აღნიშნა, რომ ჟურნალისტიკა, საზოგადოებრივი ცხოვრების მოვლენებისა და ფაქტების ამსახველი პროფესიაა და შემთხვევითი ნამდვილად არ არის, რომ მედიის წარმომადგენლებს მეოთხე ხელისუფლებასაც უწოდებენ.
,,ჟურნალისტობა ადვილი პროფესია არ არის და ყველა ადამიანს არ შესწევს ძალა, ემსახუროს ამ საქმეს. ჟურნალისტობა უმაღლეს კვალიფიკაციასთან, მრავალმხრივ ცოდნასთან, გამოცდილებასა და უსაზღვრო მოთმინებასთან ერთად, უზარმაზარ ყოველდღიურ შრომას მოითხოვს.
თითოეულ თქვენთაგანს მინდა ყველაფერი საუკეთესო და პირველ რიგში, პროფესიული წარმატებები გისურვოთ’’,- განაცხადა გიორგი ალიბეგაშვილმა.
21 მარტს ქართული ჟურნალისტიკის დღე 1993 წელს საქართველოს ჟურნალისტთა ფედერაციამ და თბილისის სახელმწიფო უნივერსიტეტმა ერთობლივად დააწესეს.
