სახელმწიფო უწყებებში სტაჟირების მსურველთა მეორე ნაკადის რეგისტრაცია მიმდინარეობს. სახელმწიფო პროგრამაში მონაწილეობის მისაღებად, სტუდენტებს და კურსდამთავრებულებს საშუალება აქვთ რეგისტრაცია სტაჟირების სახელმწიფო პროგრამის ვებგვერდზე – www.stajireba.gov.ge გაიარონ.
2014 წლის სექტემბერში სტაჟირების სახელმწიფო პროგრამის ფარგლებში 1351 სტუდენტი და კურსდამთავრებული დარეგისტრირდა, რომელთაგან, სხვადასხვა მიზეზით (პირადი განცხადების საფუძველზე სტაჟირებაზე უარი, სტაჟირების ადგილზე გამოუცხადებლობა, სტაჟირების არასაპატიო გაცდენა და ა.შ.), სტაჟირების სახელმწიფო პროგრამა წარმატებით დაასრულა 908 სტუდენტმა/კურსდამთავრებულმა.
სტაჟირების სახელმწიფო პროგრამის გავლის შემდგომ სტაჟირების ადგილზე - სხვადასხვა საჯარო დაწესებულებაში, შრომითი ხელშეკრულებით 50 სტაჟიორი დასაქმდა.
სახელმწიფო უწყებებში სტაჟირების გავლა შეუძლიათ იმ სტუდენტებს, რომელთა აკადემიური მოსწრება არის GPA -3.0 მინიმუმ B.
