თბილისის მუნიციპალიტეტის საკრებულოს დიდუბის რაიონის მაჟორიტარი დეპუტატი ლადო ძნელაძე დღეს ადგილობრივი თვითმმართელობის ორგანიზაციების მიერ დაფინანსებულ ახლადგახსნილ უფასო სასადილოს ეწვია, რომლის მომსახურებით ამავე რაიონში მცხოვრები 700 ბენეფიციარი სარგებლობს.
მისი განმარტებით, ახალი ტედერის შემდგომ კვების ხარისხი ბევრად გამოსწორდა, რის გამოც ბენეფიციარები კმაყოფილებას გამოთქვამენ.
ლადო ძნელაძის ხელშეწყობით, სატენდერო პირობები 1 წლის ნაცვლად 3 წლით განისაზღვრა, რაც შემსრულებელის მოტივაციას კვების ხარისხის, სერვისისა და ინფრასტრუქრტურული აღჭურვილობის გაუმჯობესებაზე ბევრად ზრდის.
დეპუტატი მომსახურების კონტროლზე მონიტორინგის მიზნით დიდუბის რაიონში მდებარე უფასო სასადილოებს ხშირად სტუმრობს.
დღესვე საკრებულოს წევრი დიდუბის რაიონში მდებარე 90-ე და 24-ე ბაგა-ბაღებს ეწვია, იქ არსებულ მდგომარეობას ადგილზე გაეცნო და პრობლემების არსებობის შემთხვევაში, ბაღების ხელმძღვანელებს დახმარებას დაჰპირდა.