"თავისუფალი დემოკრატების“ ლიდერი ირაკლი ალასანია თერჯოლაში, ამერიკაში ტრაგიკულად დაღუპული კადეტის, სოსო მაკარიძის დაკრძალვის ცერემონიალს დაესწრო.
თავდაცვის ყოფილმა მინისტრმა ოჯახს მიუსამძიმრა და განაცხადა, რომ ორი საუკეთესო ჯარისკაცის, სოსო მაკარიძის და ბესარიონ გორჯოლაძის დაღუპვა აუნაზღაურებელი დანაკლისია შეიარაღებული ძალების და მთლიანად ქვეყნისთვის.
,,ამ თაობაში იყვნენ საუკეთესოებს შორის საუკეთესო. ისინი იყვნენ მაგალითის მიმცემნი, იმედი ჩვენი ჯარის მომავლის და ეს არის აუნაზგაურებელი ტრაგედია ჩვენთვის ყველასთვის შეიარაღებული ძალების და მთელი საქართველოსთვის მივუსამძიმრებ მათ ოჯახს და მთელ საქართველოს ამ დიდ დანაკლისს“ - განაცხადა ირაკლი ალასანიამ.