თბილისის სასწავლო უნივერსიტეტის რექტორი, პროფესორი სოლომონ პავლიაშვილი, თურქულ ამერიკული ალიანსის მიწვევით, აშშ-ში გაემგზავრა.
ვიზიტის ინციატორი შავი ზღვის საერთაშორისო უნივერსიტეტი და მისი რექტორი, პროფესორი ილიას ჩილოღლუ არიან.
„შავი ზღვის საერთაშორისო უნივერსიტეტთან ჩვენს სასწავლებელს გრძელვადიანი თანამშრომლობის მემორანდუმი აქვს გაფორმებული. ვიზიტის ფარგლებში, შევხვდებით ბიზნესის , განათლების, კულტურისა და სხვადასხვა სფეროს წარმომადგენლებს. ასევე, დავესწრებით ყოველწლიური ბიზნესსამიტს, რომელიც ვაშინგტონში გაიმართება და რომელსაც აშშ-ის კონგრესისა და სენატის, თურქეთის პარლამენტის წევრები, მინისტრები, ელჩები, სახელმწიფო დეპარტამენტის წარმომადგენლები, გაერო-სა და აშშ-ის განვითარების სააგენტოს ( USAID) წარმომადგენლებიც დაესწრებია,“ - განუცხადა „ჯი-ეიჩ-ენს“ სოლომონ პავლიაშვილმა.
გარდა ამისა, დელეგაციის წევრებიდაესწრები, ვიზიტის ფარგლებში, თეთრ სახლს, პენტაგონსა და აშშ-ს კონგრესსაც ეწვევიან. გამართავენ შეხვედრებს სოფლის მეურნეობის და ენერგეტიკის დეპარტამენტში, ასევე, თურქულ-ამერიკულ სავაჭრო პალატაში.
„ ვიზიტის ფარგლებში შევეცდებით, დავგეგმოთ და გავაფორმოთ გრძელვადიანი თანამშრომლობის მემორანდუმები სხვადასხვა უნივერსტეტთან, რაც ხელს შეუწყობს ჩვენი სტუდენტების და აკადემიური პერსონალის საზღვარგარეთ გაგზავნას და მათი ცოდნის ამაღლებას. ასევე, ვიზიტის მიზანია, მოვძებნოთ ინვესტორები, რომლებიც დაინტერესდებიან, განახორციელონ ინვესტიციები საქართველოს უმაღლესი განათლების სფეროში,“ - აღნიშნა აშშ-ში გამგზავრების წნ თბილისის სასწავლო უნივერისტეტის რექტორმა, სოლომონ პავლიაშვილმა.