საქართველოში მომდევნო სამი დღის განმავლობაში არამდგრადი ამინდი შენარჩუნდება. როგორც ,,ჯი-ეიჩ-ენთან” საუბარში გარემოს დაცვის სამინისტროს სინოპტიკოსმა მაია ქააძემ განაცხადა უახლოესი დღეების განმავლობაში ტემპერატურა დაიკლებს და მოსალოდნელია წვიმა.
,,უახლოეს დღეებში საქართველოში არამდგრადი ამინდის პირობებია, უმეტეს რაიონებში მოსალოდნელია ხანმოკლე წვიმა, მაღალ მთაში თოვლი, დაიკლებს ჰაერის ტემპერატურა. დასავლეთ საქართველოში ჰაერი 8-13 გრადუსამდე, ხოლო აღმოსავლეთ საქართველოში 9-14 გრადუსამდე გათბება”, _განაცხადა ,,ჯი-ეიჩ-ენთან” საუბარში მაია ქააძემ.
მისივე განცხადებით, 17 მარტს ამინდი უფრო გაუარესდება და ტემპერატურაც დაიკლებს, თუმცა 18 მარტს შედარებით გამოიდარებს. როგორც ,,ჯი-ეიჩ-ენთან” საუბარში სინოპტიკოსმა მაია ქააძემ განაცხადა, წვიმაა მოსალოდნელი თბილისშიც.
,, თბილისში 16, 17 მარტს წვიმაა მოსალოდნელი, ხოლო 18 მარტს გამოიდარებს. რაც შეეხება ჰაერის ტემპერატურას 8-11 გრადუსის ფარგლებში გათბება”, _აცხადებს მაია ქააძე.