თბილისის სახელმწიფო სამედიცინო უნივერსიტეტში Joint Commission International (ჯი-სი-აი)- ის წარმომადეგენელს ტომას კოზლოვსკისა, საქართველოს სამედიცინო ასოციაციების გაერთიანებისა და სამედიცინო უნივერსიტეტის ხელმძღვანელობას შორის სამუშაო შეხვედრა შედგა.
JCI (The Joint Commission) სამედიცინო დაწესებულებების აკრედიტაციის სფეროში ყველაზე ავტორიტეტული ამერიკული ორგანიზაციაა. დღემდე JCI აკრედიტაცია ოქროს სტანდარტადაა მიჩნეული სამედიცინო ხარისხის საკითხში. დღეისათვის მსოფლიოში ორგანიზაციიის მიერ 700 მდე სამედიცინო დაწესებულებაა აკრედიტებული, ხოლო თავად ამერიკის შეერთებულ შტატებში 20 000 ზე მეტი სამედიცინო დაწესებულება და პროგრამა. ეს ჯი-სი-აი -ს პირველი ვიზიტია საქართველოში.
შეხვედრაზე საქართველოში სამედიცინო ხარისხის მართვის საქმეში სასერტიფიკაციო პროგრამების განხორციელების საკითხი განიხილეს. პირველ ტრეინინგს ჯი-სი -აი საქართველოში სამედიცინო ასოციაციების გაერთიანებასთან ერთად სამედიცინო ხარისხის მართვის მენეჯერებისათვის განახორციელებს. ამავე შეხვედრაზე jci ის სასწავლო პროგრამების სამედიცინო უნივერსიტეტში დანერგვის საკითხიც განიხილეს.