16 მარტს, 18 საათზე, კოტე მარჯანიშვილის სახელობის თეატრში ორგანიზაცია "ივერია" მართავს შეხვედრას ფართო საზოგადოებასთან.
როგორც „ჯი-ეიჩ-ენს“ ორგანიზაციიდან აცნობეს, შეხვედრის მიზანია საზოგადოების ინფორმირება ივერიის, როგორც ორგანიზაციის, მისი საქმიანობისა და სამომავლო გეგმების შესახებ.
„ამ ღონისძიებაზე ივერია გააცნობს საზოგადოებას თავის ხედვებს ქვეყანაში შექმნილ ვითარებაზე და წარმოადგენს საკუთარ სტრატეგიას საქართველოს განვითარებასთან დაკავშირებით. აღნიშნულ შეხვედრაზე გაცხადდება ორგანიზაცია ივერიის ბაზაზე ფართო საზოგადოებრივი მოძრაობის დაფუძნება“, - აცხადებე ორგანიზაციაში.
ღონისძიების დაწყებამდე, 17 საათსა და 30 წუთზე, გაიმართება საზოგადოება ივერიის შეხვედრა პრესასთან.