ფინანსთა მინისტრი ნოდარ ხადური ივანე ჯავახიშვილი სახელობის თბილისის სახელმწიფო უნივერსიტეტში საგაზაფხულო სკოლის „ლიდერი“ გახსნის ცერემონიას დაესწრო.
პროექტი „ლიდერი“ თსუ-ს ანალიზისა და პროგნოზირების ცენტრის მიერ ხორციელდება და მიზნად ისახავს უნივერსიტეტის 30 საუკეთესო სტუდენტის შერჩევასა და მათთვის სემინარების ჩატარებას სამეწარმეო უნარების, პროფესიული ცოდნის, ანალიტიკური აზროვნებისა და მოქალაქეობრივი პასუხისმგებლობის განვითარების მიზნით.
გამორჩეული სტუდენტები პროექტის დასრულების შემდეგ დაჯილდოვდებიან საკონფერენციო მივლინებით საზღვარგარეთ, ფასიანი პრიზებით და სიმბოლური საჩუქრებით.
ყველა სტუდენტს გადაეცემა მონაწილეობის დამადასტურებელი სხვადასხვა კატეგორიის სერტიფიკატი.
ღონისძიებას დაესწრნენ თსუ-ს რექტორი ვლადიმერ პაპავა, ასევე დიპლომატიური მისიების, ბიზნეს სექტორისა და საერთაშორისო საფინანსო ინსტიტუტების წარმომადგენლები.
