ქაშუეთის ტაძარში, ნიუ ჯერსიში ავტოავარიის შედეგად დაღუპული აშშ-ის საზღვაო აკადემიის ორი ქართველი კურსანტის, რიგითების სოსო მაკარიძისა და ბესარიონ გორჯოლაძის სამოქალაქო პანაშვიდი მიმდინარეობს. დაღუპულების ხსოვნას პატივი მიაგო პრეზიდენტმა, გიორგი მარგველაშვილმა და მინისტრთა კაბინეტის წევრება.
"განსაკუთრებით, მძიმეა, როდესაც ახალგაზრდა მიდის ამ ცხოვრებიდან. განსაკუთრებით მძიმეა, როდესაც განგებას ჩვენგან მიჰყავს ადამიანი, ვისაც შეეძლო, მნიშვნელოვანი წვლილი ეთამაშა ჩვენი ქვეყნის სიძლიერესა და მის მომავალში. ჩვენ ვგლოვობთ მისი ოჯახის წევრებთან, მეგობრებთან და მთელ საქართველოსთან ერთად", - განაცხადა ჟურნალისტებთან მარგველაშვილმა.
ამერიკის შეერთებული შტატების საზღვაო თავდაცვის აკადემიის ორი ქართველი კურსანტი სოსო მაკარიძე და ბესარიონ გორჯოლაძე ნიუ-ჯერსის შტატში, 7 მარტს მომხდარი ავარიის შედეგდ დაიღუპნენ. ისინი საქართველოში გუშინ ჩამოასვენეს.
