თბილისის მუნიციპალიტეტის საკრებულოს ადამიანის უფლებათა დაცვისა და სამოქალაქო ინტეგრაციის კომისიის თავმჯდომარე გულიკო ზუმბაძე ,,შემწყნარებლობისა და სამოქალაქო ინტერგაციის ეროვნული კონცეფციისა და სამოქმედო გეგმის“ პრეზენტაციას ესწრება. საკრებულოს დეპუტატი სახელმწიფო უწყებათა შორისი კომისიის გასვლით სხდომაში იღებს მონაწილეობას, რომელიც 11-13 მარტს კაჭრეთში, სასტუმრო ,,ამბასადორში“ მიმდინარეობს. აღნიშნულ სხდომას შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პირველი მოადგილე ქეთევან ციხელაშვილი, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის, სამოქალაქო ინტეგრაციის სამმართველოს უფროსი თინათინ ღოღელიანი და აღნიშნული საკითხით დაინტერესებული სხვადასხვა სტრუქტურების წარმომადგენლები ესწებიან. სახელმწიფო უწყებათაშორისი კომისიის განახლებული შემადგენლობის წარდგენის შემდეგ, სხდომის მონაწილეები სამოქალაქო ინტეგრაციის ახალ სამოქმედო გეგმას განიხილავენ, რომელიც კანონის უზენაესობას, განათლებას, მედიასა და ინფორმაციაზე ხელმისაწვდომობას, სოციალურ და რეგიონულ ინტეგრაციას, ასევე კულტურასა და თვითმყოფადობის შენარჩუნებას ეხება. გასვლითი სხდომის დასასრულს დამსწრე საზოგადოებისა და სახელმწიფო უწყებათაშორისი კომისიის წევრებს შორის დისკუსია გაიმართება, რის შემდეგაც სხდომის ყველა მონაწილე საკუთარ ხედვებს წარმოადგენს.