თბილისის მერიაში ნინა ხატისკაცთან გათავისუფლებასთან დაკავშირებით გავრცელებულ ინფორმაციას დეზინფორმაციას უწოდებენ.
,, ნინა ხატისკაცის გათავისუფლებასთან დაკავშირებით გავრცელებული ინფორმაცია დეზინფორმაციაა. რაც შეეხება ვაკანტურ პოზიციებზე თანამდებობის პირების წარდგენას ხვალ გაიმართება პრესკონფერენცია და თბილისის მერი თავად წარადგენს კონკრეტულ პირებს ყველა ვაკანტურ თანამდებობაზე", _განუცხადეს ,,ჯი-ეიჩ-ენს” მერიაში.
ამასთან მერიის პრესსამსახურის უფორსი მაგდა პოპიაშვილი, ჯერჯერობით, არ ფლობს ინფორმაციას დანიშნა თუ არა კოალიცია ,,ქართული ოცნების” დეპუტატის ანი მიროტაძის და თეა მიროტაძე მერიაში ადმინისტრაციის უფროსის მოადგილედ დაინიშნა.
,, ახლა შეხვედრაა და თეა მიროტაძესთან დაკავშირებით არ მაქვს ინფორმაცია, უნდა გადავამოწმო”, _განაცხადა ,,ჯი-ეიჩ-ენთან” საუბარში მერიის პრესსამსახურის უფროსმა მაგდა პოპიაშვილმა.
,,ნაციონალური მოძრაობის” ინფორმაციით, თბილისის ვიცე-მერის თანამდებობას ნინა ხატისკაცი დატოვებს და მას ირაკლი ლექვინაძე ჩაანაცვლებს. როგორც საკრებულოში გამართულ ბრიფინგზე თბილისის საკრებულოს ფრაქცია ,,ნაციონალური მოძრაობა” - თბილისის თავმჯდომარემ ირაკლი აბესაძემ განაცხადა მერიაში ,,გაუგებარი საკადრო გადაწყვეტილებების მიღების პროცესი" გრძელდება.
"ჩვენი ინფორმაციით, ნინო ხატისკაცის ადგილზე ირაკლი ლექვინაძე დაინიშნება", - აღნიშნა აბესაძემ.
მათივე ინფორმაციით, ,,ქართული ოცნების” დეპუტატის ანი მიროტაძის და თეა მიროტაძე მერიაში ადმინისტრაციის უფროსის მოადგილედ დაინიშნა.