ბრიტანელმა არქეოლოგებმა, რომლებიც ისრაელის ქალაქ ნაზარეთში მუშაობენ, ტერიტორიის შესწავლა დაასრულეს, სადაც მათი აზრით შესაძლოა იესო ქრისტემ ბავშვობის რამდენიმე წელი გაატარა.
არქეოლოგიური სამუშაოების შედეგად, რომელიც 9 წელს გრძელდებოდა, მეცნიერებმა მიაკვლიეს სახლს, სადაც მათი აზრით იესომ რამდენიმე წელი გაატარა.
ამ ადგილის შესახებ, თუ სად შეიძლება ყოფილიყო მარიამისა და იოსების საცხოვრისი მეცნიერები ჯერ კიდევ 19 საუკუნის ბოლოს აღნიშნავდნენ, თუმცა 2006 წლამდე კვლევის დაწყება არავის გადაუწყვეტია.
.
ბრიტანელმა მეცნიერმა კენ დარკმა Jurnal Biblical Archeology Review -ში გათხრების შესახებ გამოქვეყნა სტატია, რომელსაც აღმოჩენების შესახებ ფოტო მასალაც დაურთო. დარკი ვარაუდობს, რომ ქოხის ნარჩენი, რომელიც ახლახანს იქნა აღმოჩენილი, ჩვენს ერამდე 1 საუკუნეს მიეკუთვნება.
”ბიზანტიელები წერდნენ, რომ იესო ქრისტე გაიზარდა იმ ტერიტორიაზე, რომელზედაც ჩვენ წლების განმავლობაში ვმუშაობდით”, აცხადებს მეცნიერი. მისივე განმარტებით, სამუშაოები ჯერ სრულფასოვნად დასრულებული არ არის და სიმართლეც სავარაუდოდ მალე დადგინდება.
