დედაქალაქის მუნიციპალიტეტის საკრებულოს ჩუღურეთის რაიონის მაჟორიტარმა დეპუტატმა რიმა ბერაძემ, რაიონში მცხოვრებ სოციალურად დაუცველ ბავშვებს უმასპინძლა.
მარჯანიშვილის N16-ში მდებარე ბავშვთა გასართობ ცენტრში პატარებმა ანიმატორებთან ერთად სხვადასხვა ღონისძიებებში მიიღეს მონაწილეობა.
დეპუტატმა ბავშვების დედებს გაზაფხულის მოსვლა და დედის დღე მიულოცა და აღნიშნა, რომ დღესასწაულის აღნიშვნა ასეთი ფორმით, ჩუღურეთის რაიონის ბიუროს გადაწყვეტილებით განხორციელდა.
„მინდა ყველა ქალბატონს, განსაკუთრებით კი ყველა დედას მივულოცო დღევანდელი დღე. ამ ღონისძიებით ჩვენ ვეცადეთ გაგველამაზებინა ჩუღურეთის რაიონში მცხოვრები ქალბატონებისათვის დღევანდელი დღე და მათი შვილებისათვის სასიამოვნო გარემო შეგვექმნა“-განაცხადა რიმა ბერაძემ.
ღონისძიებაზე პატარებს ვახტან ჭაბუკიანის სახელობის ბინა-მუზეუმის დირექტორი, დავით ჯანგველაძე, ცნობილი ზღაპრის პერსონაჟ, მაკნატუნასთან ერთად და ქართველი მოცეკვავე, საქართველოს რესპუბლიკის დამსახურებული არტისტი ომარ მხეიძე ესტუმრნენ.
